1. Pendaftaran gratis (tusing kena prabéa) 
2. Lomba ené kalaksanayang online lan kamilunin baan padidi (individu). 
3. Pamiletné mahasiswa matuuh kanti 30 tiban ané nongos di Provinsi Bali.
4. Patut follow akun Instagram @basaibuwiki.bali apang maan informasi ané paling baru. 
5. Pamilet patut ngaé akun di BASAbaliwiki.org lan ngisinin informasi profil. 
6. Patut madaftar nganggon formulir resmi: BASAibu.org/daftarlokaprabha nganti tanggal 22 Juni 2026.
7. Pamilet patut nyelepang 10 karya ané dadi batas paling bedik (minimum). Karya ané lebih mara lakar mitung dadi poin lomba. 
8. Patut nganggon username ané patuh yén lakar mupulang karya.
9. Pamilet patut nyelepang karya saliu-liuné, lebihan tekén batas minimum.
10. Pamilet dadi ngaé rancangan karya uling panyumu bulan Juni. Lantas nyelepang karya di tanggal 23 Juni 2026 galah 08.00-23.59 Wita.
11. Celepang karyané di tautan BASAibu.org/ikutlokaprabha. 
12. Yén ada pamilet ané nyelepang karya satondén tanggal 23 Juni 2026, karya ento tusing mitung.

1. Tata Titi Karya

Karya ané kacelepang patut nganutin tata titi apang seken macelep ka sistem.

• Lantang Tulisan: paling bedik 1 paragraf ané misi 3 lengkara.
• Basa Utama: nganggon basa Bali (dadi nganggon basa andap/lumrah, basa alus, dadi masih dialek soang-soang kabupaten/kota).
• Basa Opsional: Dadi misi terjemahan basa Indonesia lan Inggris (opsional)
• Isin karya makaitan tekén topik “Tutur Bali Jani” utawi  “Cerita Bali Hari ini“.

2. Larangan Mutlak & Aturan Orisinalitas

• Karya kadasarin baan papineh para mahasiswa.
• Tusing dadi ngaé karya nganggon AI Generatif. 
• Tusing dadi copy-paste uling internet, plagiarisme massal, lan nuutin gelah anak lén.
• Karya tusing dadi misi pertentangan SARA, pornografi, ujaran kebencian, utawi konten ané tusing manut norma hukum/sosial.

Panuréksané kepah dadi duang panta, makadi:

Panta 1: Validasi Kelayakan Karya

Satondén karya katuréksa olih para angga panuréksa, panitia lakar nyelehin karya pamileté makejang. Karya ané tusing nganutin tata titi, tusing lakar lolos. 

(i) Pangecékan Batas Minimum

• Pamilet patut nyelepang paling bedik 10 karya di rak “Tutur Bali Jani”. Yén kuang uling 10 karya, pamilet tusing lakar lolos ka panta salanturné. 

(ii) Pangecékan Wangun Karya

• Karya patut kawangun paling bedik 1 paragraf (3 lengkara) lan misi tema unduk isu publik ané demenin nyama.

(iii) Filter Kebahasaan

• Karya patut liunan nganggon basa Bali (andap, alus, utawi dialek). Karya ané tusing nganggon basa Bali tusing lakar lolos.  

Panta 2: Nuréksain Kuantitas lan Kualitas Karya

Dini lakar katuréksain liun karya ané kacelepang tur kaluwihan isin karya para pamileté. Isin karya ané katuréksain makadi:

(i) Orisinalitas & Autentisitas (40%)

• Karya asli uling papineh mahasiswané. 

• Tusing asil AI utawi copy-paste massal uling internet.

(ii) Ketepatan Struktur & Penggunaan Bahasa (30%)

• Kapatutan (Anggah-Ungguhing Basa Bali) ané kaanggon, kadi basa andap, basa alus, keto masih dialék lokal.
• Nganggon kruna ané unik lakar dadi poin tambahan;
• Ejaan basa Bali ané marupa paragraf (aparagraf per karya).

(iii) Keunikan & Daya Tarik Tema Karya (30%)

• Ngangkat topik ané unik, tusing biasa, tur nglangenin. 

*Kondisi Seri (Tie-Breaker): Yén ada dadua utawi lebih pamilet ané patuh liun karyané, lakar kaselehin galah ngunggah karya ané malunan pragat (timestamp) baan sistem data.

1. Macelep ka BASAbaliWiki.org tur login akun malu. Yén tondén ngelah akun, patut ngaé akun malu (Klik dini utawi bukak tautan bit.ly/BuatAkunBBW.
2. Yén suba login, jangkepin profil akuné malu. Carané, klik menu “Profil” di bucu baduur.
3. Pastiang nyama suba madaptar di formulir resmi: BASAibu.org/daftarlokaprabha. 

1. Klik dini utawi bukak tautan ngumpulang karya Lokaprabha ené BASAibu.org/ikut-lokaprabha. 
2. Isinin makejang kolom isian data ané ada di menu nyelepang karya. 
   • Murda (judul): gaé apang unik/kréatif nganggon 3 basa (Bali, Indonesia, Inggris) 
   • Penulis: Isinin adan jangkep nyamané.
   • Afiliasi (lembaga/Kkampus): sekenang ngisi tur apang patuh di karyané makejang. 
   • Foto: Isinin foto utawi gambar ané makaitan ajak karya nyamané. Tusing dadi nganggon foto déwék padidi. 
   • Deskripsi/Karya:  Isinin baan karya ané gaé nyama di kolom basa Bali. Kolom basa Indonesia lan Inggris dadi tusing isinin. 
   • Topik: patut milih topik “Tutur Bali Jani” utawi “Cerita Bali Hari Ini“
   • Pastiang buin suba beneh makejang, lantas klik “Simpen Halaman” apang tulisan nyamané nyidaang macelep ka sistem lomba.

1. Pendaftaran pamilet: 2-22 Juni 2026
2. Paruman Téknis: 8 Juni 2026
3. Ngumpul Tulisan: 23 Juni 2026
4. Penjurian: 24-29 Juni 2026
5. Pengumuman Jayanti: 30 Juni 2026

1.  Kategori Pamilet (Individu) – Karya Paling Melah

Lima pamilet ané ngunggah karya paling liu lan karyané paling melah, lakar maan adiah marupa.   

• Jayanti 1 (Wiki Wira): Pipis Rp2.000.000,- + Pramana Patra
• Jayanti 2: Pipis Rp1.000.000,- + Pramana Patra
• Jayanti 3: Pipis Rp800.000,- + Pramana Patra
• Jayanti Harapan 1: Pipis Rp400.000,- + Pramana Patra
• Jayanti Harapan 2: Pipis Rp300.000,- + Pramana Patra

2. Kategori Kampus/Lembaga – Jumlah Karya Paling Liu

Lembaga/perguruan tinggi ané ngirimang karya paling liu uli mahasiswa pamilet lombané lakar maan adiah marupa pipis Rp1.500.000,- miwah Pramana Patra Kampus Terproduktif.

*Makejang pamilet ané lolos tahap validasi lakar maan Sertifikat Elektronik (e-Sertifikat) resmi.

Karya lakar katuréksa baan angga panuréksa ané suba waged di bagané ené. Asil nilai baan para angga panureksa tusing dadi kapiwalin. Angga Panuréksa Lokaprabha:

1. Made Sugianto (Sastrawan Bali tur Jurnalis Senior)
2. I Wayan Suarmaja (Koordinator Penyuluh Bahasa Bali Provinsi Bali)
3. Ni Putu Ayu Suaningsih (Program and Engagement Director BASAibu Wiki—Bali)

Pendaftaran pamilet Lokaprabha: BASAibu.org/daftarlokaprabha

Tongos ngumpul tulisan: BASAibu.org/unggahlokaprabha