Wikithon Partisipasi Publik BASAbali Wiki
Kawarasan Kayun
Lomba Ngaé Panampén Bawak Mabasa Bali
Patakon Topik Lomba:
Liu yowanané marasa osah ulian pakéweh idupé jani. Éngkén carané apang nyama nyidaang nyaga kawarasan kayun nyamané padidi lan timpal ané lénan?
Pajalan lomba: 14 Juli–1 Agustus 2025
Tata Cara Lomba
- Lomba ené gratis, tusing pesu prabéa nang abedik;
- Pamilet matuuh 16-30 tiban;
- Pamiletné dadi padidi (individu) utawi kelompok (paling liu 3 diri);
- Pamilet patut ngaé akun di BASAbaliwiki.org lan ngisinin informasi profil;
- Pamilet kaaptiang apang milunin akun media sosial Instagram @wikibasabali apang nawang informasi lomba ané baru;
- Karya tuah dadi kasukang ka website BASAbali Wiki;
- Dasa karya di soang-soang katégori lakar kapilih tur kadampingin nyenarang karyané apang dadi pangrencana implementasi. Panuréksa lakar ngemaang nilai nganutin rencana implementasi ané kaasilang uli fase inkubasi.
- Yén milu lombané ené, pamilet suba ngemaang prawartaka acara ijin apang nyelepang karyané ka makudang-kudang media lan acara non-komersial, tusing nyemak hak cipta. Adan pamilet lakar tetep kisinin maka anak ané ngelahang karya.
- Lomba kalaksanayang tanggal 14 Juli kanti 1 Agustus 2025.
- Karya marupa panampen bawak lantangné 1 kanti 2 paragraf (80–150 kruna).
- Katulis mabasa Bali, dadi nganggo basa Bali sawai-wai.
- Gaé abesik panampén utama ané jenar, kréatif, lan aluhkalaksanaang baan yowanané.
- Panampén/karya patut seken-seken nyawab patakonné lan misi panepas ané jenar buina aluh baan nglaksanaang.
- Pidartayang nganti jenar, apang anak ané maca bisa ngenehang kénkén idé/panampén nyamané lakar kalaksanaang.
- Idé/panampén bisa kalaksanaang, dadi padidi, ajak timpal-timpal, utawi bisa maprakanti ajak komunitas/organisasi.
- Idé/panampén ané suba gaé patut bisa ngemaang panglahlah luung lan nglantur (sustainable) utawi bisa nglantur kalimbakang, tusing ngemaang panglahlah tuah akijapan dogén.
- Karya tusing misi SARA, pornografi, politisasi, lan tusing nglanggar Undang-Undang Informasi dan Transaksi Elektronik (UU ITE).
- Tusing asil plagiarisme lan tondén taén kasobiahang di tongos lénan.
- Dadi nganggon Artificial Intelligence (AI), kéwala tetep sumakuta nganggon AI ento. AI bisa dadi piranti anggon nglimbakang idé, nyusun panampén, utawi ngukuhang asil analisis, kéwala idé/panampén utama tetep uling pamileté.
- Pamilet (adiri utawi kelompok) dadi ngirimang lebihan tekén 1 karya.
Ené tata cara para pamilet nyusun panampén bawak, tusing liwat tekén 150 kruna ané aluh karesepang tur nganutin uger-uger:
- Jumunin baan pakéweh utawi pengalaman: Jumunin baan pakéweh ané rasayang nyama utawi karasayang baan timpal lénan
- Baang idé utawi panepas ané jenar: Baang abesik idé/panampén ané jenar tur aluh kalaksanaang baan yowanané.
- Baang panampén bawak: Pidartayang tata cara ané cutet: nyén ané lakar ngamilunin, dija lakar kalaksanaang, buin pidan kalaksanaang, lan kénkén carané nglaksanaang.
- Imbuhin apang seken: Isinin data, fakta, utawi pengalaman ané nyokong idé nyamané lan lakar bisa maguna tur ngemaang panglahlah luung.
- Siduri, isinin panglahlah utawi pangapti: Isinin baan panglahlah luung ané nglantur utawi pangaptin nyamané.
- Panepas ané Anut tekén Pakéweh (20%)–Pangrencana laksana patut nepasin pakéweh utama indik stres, kesehatan mental, lan pakéweh yowana. Pakéweh ané katlatarang patut jenar lan anut ring konteks lokal.
- Jenar lan Sulur Rencana (20%)—Rencana aksi katulis ngetur, logis lan masulur. Midartayang nyén ané nglaksanaang apa, buin pidan, dija, lan kénkén carané.
- Kreativitas lan Inovasi (15%)–Panampén lan tata cara nglaksanaang aksi patut unik, malénan tekén panampén ané suba biasa maanggon.
- Prakanti lan Kamilunin baan Anak Lénan (10%)–Rencana aksi kalaksanayang baan komunitas, kelompok yowana, sekolah, organisasi, utawi anak lénan ané seken nyalanang rencana lan nyidang mukur.
- Panglahlah lan Nglantur (30%)–Rencana aksi nyidang ngemaang panglahlah ané seken lan luung nglantur disubané lombané suud. Ada tata cara nyaga apang aksiné ento nyak majalani.
- Sokongan Fakta lan Data (5%)—Rencana aksi kasusun baan bukti utawi data ané seken (asil saselehan, orti, media sosial, wawancara, lan ané lénan).
Tata Cara Ngasukang Karya ka Website
Kategori Jayanti
BASAbali Wiki tusing ja tuah nyokong para yowana ngamaang panepas unduk pakéweh kawarasan (kesehatan mental), kéwala lakar seken-seken ngajinin panampén para yowanané ento. Makudang-kudang kategori lomba, kriteria pamilet, tur pahan pangargaan ané lakar bakatanga baan para jayanti Wikithon Partisipasi Publik – Kesehatan Mental:
- Kategori Lomba Panampén Bawak– Mahasiswa/Umum
- Kategori Lomba Panampén Bawak– Sisya SMA/K
- Kategori Pilihan Warganet utawi nganutin liun vote
- Kategori Komentar Paling Melah
Peris
- Adi jayanti: piala + pramana patra+ dana pembinaan, panglimbak, tur nglaksanaang program.
- Jayanti 2: piala + pramana patra + dana pembinaan, panglimbak, tur nglaksanaang program.
- Jayanti 3: piala + pramana patra + dana pembinaan, panglimbak, tur nglaksanaang program
- Adi jayanti: piala + pramana patra+ dana pembinaan, panglimbak, tur nglaksanaang program.
- Jayanti 2: piala + pramana patra + dana pembinaan, panglimbak, tur nglaksanaang program.
- Jayanti 3: piala + pramana patra+ dana pembinaan, panglimbak, tur nglaksanaang program.
Panuréksa
Karya nyamané lakar katuréksa baan angga panuréksa ané suba waged di bagané ené. Asil nilai baan para angga panureksa tusing dadi kapiwalin.
Para angga panuréksa:
- Dinas Kesehatan Provinsi Bali **
- Ketua MGMP BK Provinsi Bali
- Koordinator Kisara PKBI Bali
**enu masa masadok lan nunas ledang angga panuréksa.
Dr. dr. I Nyoman Gede Anom, M.Kes
Kepala Dinas Kesehatan Provinsi Bali
Ni Komang Ari Budiani
Koordinator Kisara PKBI Bali
Ni Nyoman Sri Agustini Andayani,
S.Pd., M.Pd.
Ketua MGMP Bimbingan Konseling Provinsi Bali
Nyobiahang Jayanti
Duang dasa karya ané paling melah lakar kasobiahang tanggal 8 Agustus 2025. Pamilet ané karyané kapilih lakar kadampingin apang panampénné bisa dadi rencana implementasi. Salanturné rencana ento lakar katuréksain baan angga panuréksa nganti makatang nem jayanti utama ané lakar kasobiahang di media sosial BASAbali Wiki (@wikibasabali) tanggal 25 Agustus 2025.
Wikithon Partisipasi Publik–Kesehatan Mental ené kalaksanaang maka éédan metode dasar dinamis partisipasi publik ané suba kacumponin dugas Konferensi Pemuda Bali apang bisa mesuang kebijakan unduk pakéweh-pakéweh ané paling utama. Kebijakan ento nyumunin uling tingkat désa adat utawi dinas ngantika tingkat pemerintah Provinsi Bali majalaran baan peraturan gubernur utawi peraturan daerah. BASAbali Wiki lan kramané ajak makejang lakar bareng-bareng nyokong metode dasar dinamis partisipasi publik ené apang seken-seken kalaksanaang lan maguna anggon nyaga jagat Baliné.
Yén ada patakon, eda sangsaya nakonang ka narahubung BASAbali Wiki:
085-956-647-709 (Ayu), 089-621-810-140 (Widya)
Rahajeng Malomba!
#JegGaéGén #PemudaBersuara #PemudaBerdaya