1. Lombané ené gratis, tusing ada prabéa nang abedik;
2. Pamilet matuuh 16-30 tiban;
3. Pamiletné dadi padidi (individu) utawi kelompok (paling liu 3 diri);
4. Pamilet patut ngaé akun di BASAbaliwiki.org utawi liwat aplikasi (app) BASAbali lan ngisinin informasi profil;
5. Pamilet ngamilunin akun media sosial Instagram @wikibasabali apang nawang informasi lomba ané baru;
6. Ngasukang lan ngirim tulisan tuah liwat akun ané suba kadaptar di basabaliwiki.org utawi aplikasi (app) BASAbali Wiki; 
7. Tulisan kaasukang di website BASAbali Wiki utawi aplikasi BASAbali Wiki.

1. Karya marupa idé proyék sosial ané lantangné 3 nganti 4 paragraf;
2. Katulis mabasa Bali, dadi nganggon basa Bali sawai-wai;
3. Gaé abesik panampén utama ané jenar, kréatif, lan aluh kalaksanaang baan yowanané; 
4. Panampén/karya patut seken-seken nyawab patakonné lan misi panepas ané jenar buina aluh kalaksanaang;
5. Pidartayang nganti jenar, apang anak ané maca bisa ngenehang kénkén idé/panampén nyamané lakar kalaksanaang;
6. Idé/panampén bisa kalaksanaang, dadi padidi, ajak timpal-timpal, utawi dadi maprakanti ajak komunitas/organisasi;
7. Idé/panampén ané suba gaé patut bisa ngemaang panglahlah luung lan  nglantur (sustainable) utawi bisa nglantur kalimbakang, tusing ngemaang panglahlah tuah akijapan dogén;
8. Karya tusing misi SARA, pornografi, politisasi, lan tusing nglanggar Undang-Undang Informasi dan Transaksi Elektronik (UU ITE).
9. Tusing plagiarisme lan tondén taén kasobiahang di tongos lénan.
10. Dadi nganggon Artificial Intelligence (AI), kéwala tetep pratiaksa nganggon AI ento. AI bisa dadi piranti anggon nglimbakang idé, nyusun panampén, utawi ngukuhang asil analisis, kéwala idé/panampén utama tetep uling pamileté.
11. Pamilet (adiri utawi kelompok) dadi ngirimang lebihan tekén 1 karya.

Ené tata cara para pamilet nyusun idé proyék sosial uling 3 kanti 4 paragraf ané aluh karesepang tur nganutin uger-uger:

1. Nawang Pakéweh lan Ané Kaperluang
Tegarang kenapa partisipasi lan kapamimpinan anak luh di tongos nyamané masih tusing melah. Tegarang pakéweh utamané, nyén kelompok ané paling kena panglahlahné, lan kenapa unduké ené perlu kaangkat.

2. Idé lan Tetujon Proyék Nyamané
Satuang idé proyék ané lakar usulang nyama. Apa tetujon utamané? Bentuk gegaén ané lakar laksanaang nyama lan asil nyata apa ané kaaptiang nyama?

3. Tata Cara Nglaksanaang Aksi
Tulis tata cara ané seken-seken apang proyéké bisa kalaksanaang. Isinin cara pikamkam, laksana, lan evaluasi, muah buin pidan lakar nglaksaang aksi. 

4. Prakanti lan Sokongan ané Kaperluang
Tegarang pihak ané dadi ajak maprakanti luiré sekolah, komunitas, utawi pamerintah. Pidartayang masih bentuk sokongan ané perluang nyama sekadi fasilitas, mentoring, utawi dana.

5. Panglahlah lan Proyék ané Nglantur
Pidartayang panglahlah melah ané kaaptiang sasubané proyéké ené majalan, baan anak luh, krama, utawi nyama padidi. Imbuhang idé ané nglantur apang tusing suud tuah abesik kegiatan dogén.

6. Gegiras Apang Nyak Maubah (1 Lengkara Gegiras anggon Panguntat)
Tulis abesik lengkara ané negarang gegiras nyamané apang nyidaang negtegang pamimpin luh. Lengkara ené bisa dadi slogan utawi piteket uling proyék nyamané.

Salanturné dasa (10) karya uli kategori mahasiswa/umum lan sisya SMA/SMK/sederajat lakar kapilih lan kadampingin nyenarin karyané dadi pangrencana aksi implementasi. Panuréksa lakar ngemaang nilai nganutin rencana implementasi ané kaasilang uli fase inkubasi.

Rencana Implementasi lakar katureksain nganutin: 

1. Panepas ané Anut tekén Pakéweh (20%)
Pangrencana laksana patut nepasin pakéweh utama indik partisipasi, kapamimpinan anak luh, lan pakéweh yowana. pakéweh yowana

2. Jenar lan Sulur Rencana (20%)
Rencana aksi katulis ngetur, logis lan masulur. Midartayang nyén ané nglaksanaang apa, buin pidan, dija, lan kénkén carané. 

3. Kreativitas lan Inovasi (15%)
Panampén lan tata cara nglaksanaang aksi patut unik, malénan tekén panampén ané suba biasa maanggon. 

4. Prakanti lan Kamilunin baan Anak Lénan (10%)
Rencana aksi kalaksanayang baan komunitas, kelompok yowana, sekolah, organisasi, utawi anak lénan ané seken nyalanang rencana lan nyidang mukur. 

5. Panglahlah lan Nglantur (30%)
Rencana aksi nyidang ngemaang panglahlah ané seken lan luung nglantur disubané lombané suud. Ada tata cara nyaga apang aksiné ento nyak majalani.

6. Sokongan Fakta lan Data (5%)
Rencana aksi kasusun baan bukti utawi data ané seken (asil saselehan, orti, media sosial, wawancara, lan ané lénan).

Prawartaka acara ngelah hak diskualifikasi pamilet satonden, sedek, utawi sasubanné panuréksa yén ada pamilet ané mabukti curang.

Yén milu lombané ené, pamilet suba ngemaang prawartaka acara ijin apang nyelepang karyané ka makudang-kudang media lan acara non-komersial, tusing nyemak hak cipta. Adan pamilet lakar tetep kisinin maka anak ané ngelahang karya.

Lomba kalaksanayang tanggal 29 Oktober–15 November 2025.