Wikithon Partisipasi Publik #15

Ada duang sési di Lomba Wikithon Bali Maorasi ené, luiré sési ngunggah sesuratan téks orasi tur sési final. Sési ngunggah sesuratan téks orasi di website basabaliwiki.org ngawit tanggal 13 November 2023–30 November 2023 jam 23:59 WITA. Sési final (orasi langsung tur panuréksan finalis) lakar kalaksanayang live di Gedung Wiswa Sabha Utama tanggal 13 Desember 2023.

1. Lomba ené gratis, tusing pesu prabea nang abedik;
2. Pamilet dadi individu utawi kelompok (paling liu 3 diri);
3. Tulis teks orasi mabasa Bali paling bedik 3 (telung) paragraf;
4. Sesuratan patut asli pagaén padidi tur tusing nempa anak lén.

1. Unggah karyan Nyamané di laman BASAbali Wiki! Klik dini apang macelep ka laman Wikithon, tur klik “Makarya Entri Wikithon”;
2. Pastiang suba log-in. Klik dini yén dot ngaé akun/log-in.
3. Lantas, di laman éntriné, isinin kolom-kolom ané ada, luiré:

• Isinin murdan (judul) karyan Nyamané ané unik/kréatif nganggon basa Bali utawi bahasa Indonesia (bahasa Inggris opsional);
• Tulis adan Nyamané di kolom “Pangawi” (Nyama dadi nganggon adan samaran yén tusing nyak nganggon adan asli).
• Tulis asal instansi, organisasi, komunitas, sekolah, utawi kampus Nyamané di kolom “Organisasi/Sekolah”;
• Pilih kategori lomba ané lakar Nyama milunin di kolom “Kategori”;
• Potrékan (lakar dadi sampul/thumbnail karya). Nyama dadi nganggon potrékan utawi gambar apa dogén ané suba maan izin);
• Tulis sumber/sang ané ngelah potrékan di kolom “Sané nuénang/wit berkas”;
• Unggah sesuratan Nyamané di kolom “Déskripsi Basa Bali”;
• Klik kolom “Topik” tur pilih “DPD Mirengang”;
• Gaenang ringkesan alengkara bawak unduk karya Nyamané di kolom “Summary”;
• Ingetang “Simpen Halaman” tur klik kotak barak matulisan [Ngamiletin Wikithon]!

20 finalis ané mapilih di makejang kategori lakar maorasi  di arepan para Angga Juri, ané kalaksanaang tanggal 13 Desember 2023 di Gedung Wiswa Sabha Utama Provinsi Bali.